你有几自信？

你有几自信？
自信系由心而发嘅，要有信心，就先要好好了解自己，不如先做以下嘅心理测验，睇吓你有几自信。

1. 当你经过镜子时，你会......  
a. 转身向相反方向走人 。
b. 好好打量自己，然后对自己笑一笑。   

2. 你相信你可以随心所欲咁做任何事情吗？  
a. 发梦就有咁谂，现实生活边有可能，所以No！
b. 只要有恒心，铁柱磨成针，所以Yes！

3. 当你见到counter后面嘅可爱男生向你眨眼，你会……  
a. 向后望，睇吓佢同边个眨眼。
b. 向佢报上绝顶甜美嘅笑容。  

4. 你同朋友约会，但当你一到，佢哋即刻鸦雀无声，你会……  
a. 感到尴尬，而且自信直插谷底，估计佢哋可能喺你背后讲你。
b. 问佢哋最新嘅gossip，绝对无怀疑自己就系被讲嘅主角。   

结果分析：  


多数拣a
其实你系个可爱有趣嘅女仔，只系有时唔记得自己嘅优点。不妨为自己订下新挑战，例如参加新活动，再睇埋下面5个自信小法宝 ，渐渐你就会自信大增，明艷照人！


多数拣b
你自信爆棚，而且唔怕丑、有主见，又有个性。你唔怕任何阻挠，做事积极，而且相信自己嘅才能。但如果你嘅意志有时会被动摇，不妨参考以下几个提升自信小法宝，等自己时刻保持最佳状态！   


CG! Tips:  

5个提升自信小法宝

1.      挺直身子，膊头向后，抬起头充满自信地向前走，咁样你会好快感觉到自信喺你身上「流动」。

2.      搞搞新意思，去郊外影靓靓日落或者参加话剧班，总之做一啲你从未做过嘅事。

3.      谂啲开心事。当你紧张不安，即刻谂啲好事，为自己即时充电。

4.      善待自己。你将要一世对住自己，所以不妨多啲锡自己多啲，例如为自己悉心打扮、定时去吓旅行。

5.      笑！最简单直接嘅方法，同时可以令身边嘅人更爱你。